2009.يىلى 7.يانۋار
ئۇلانمىلار قۇرۇلغان قىسقىغىنە ۋاقىت ئىچىدە ،ئۇيغۇر بلوگچىلىقىغا ئاز بولسىمۇ تۆھپە قوشۇشنى ئىزدىگەن كۆڭۈل دۇنيايىم ئۈزلۈكسىز يېڭى پىكىرلەرگە تولۇپ بلوگچىلىقىمىزدا كەم بولۇۋاتىدۇ دەپ قارىغان ئورۇنلارغا نىسبەتەن تولۇقلاشقا تۇتۇش قىلغان ئىدىم ، ئويلىمىغان يەردىن مېنىڭ تولۇقلاش قولۇمدىن كېلىدىغان ئازغىنە ئۈچ ئەمگىكىمنىڭ ئىككىسى كۆپچىلىك بىلەن دەسلەپكى قەدەمدە يۈز كۆرۈشتى . ئۇلار تۆۋەندىكىچە :##CONTINUE##
1.بلوگلىرىمىز بلوگى . http://bloglirimiz.blogspot.com/
بۇ ئاساسلىق blogspot ۋە blogbus تا ئېلان قىلىنغان ئۇيغۇرچە يېزىقتىكى بلوگلارنى ئادرېىس نامى بويىچە ئېنگىلىزچە ھەرپ تەرتىپى بىلەن تىزىپ چىقىپ سىتاستىكا قىلىش ، نۆۋەتتە دەسلەپكى قەدەمدە 104 دانە ئۇيغۇرچە بلوگ تىزىملاندى . ھەربىر بلوگنى تېپىپ چىقىپ بۇ جايغا قوشۇپ قويۇش مېنى چەكسىز خوشاللىققا ئىگە قىلىدۇ ، خۇددى ئالتۇن تېپىۋالغاندەك خوشال بولۇپ كېتىمەن .
2.مۇسۇلمانلار قوللانمىسى
ئۇلانمىلاردا تېخى ئىسلام دىنى تۈرى ئېلان قىلىنغىنى يوق ، سەۋەب ناھايىتى ئاددى : ئىسلام بلوگلىرى تېپىلمايۋاتىدۇ ، بۇ ھالەت مېنى ئالدىراشچىلىق ئىچىدىن ۋاقىت چىقىرىپ باشلامچىلىق بىلەن بۇ ھەقتە ئەمگەك مېۋەمنى ئوتتۇرىغا چىقىرىشقا دەۋەت قىلماقتا . بۇ بلوگ پىلانلىنىپ بولدى ، ھازىر جىددىي ياسىلىش باسقۇچىدا ، ئۆز دىنىمىزنى ئۆگېنىش يولىدا بلوگ ياساشقا كۆرسەتكەن تىرىشچانلىقىم ئالدىنقى ئىككى بلوگنى بېسىپ چۈشمىسە بولمايدۇ ، شۇڭا گەرچە ئۇسلۇب جەھەتتىن تۇرمۇش مەسلەھەتچىسىگە ئوخشاش ئۇلانمىلارنىڭ بەت شەكلى ئۇسلۇبىنى ساقلاپ قالسىمۇ ، لېكىن مەزمۇن جەھەتتىن چوقۇم ئۆزگىچە ۋە ئەمەلىي قىممىتى بار مەزمۇنلار يوللىنىلىدۇ .بۇ بلوگمۇ ئۈچ كۈن ئىچىدە كۆپچىلىك بىلەن يۈز كۆرۈشىدۇ .ئۇلىنىش ئادرېسىنى ئۇلانمىلاردىن بىۋاستە كۆرەلەيسىلەر .
يۇقىرىقى 2 بلوگ ئەسلى ئۇلانمىلارنىڭ بىر سەھىپىسى بولۇپ قېلىپ ماقالىلەر تۈرى بويىچە ئېلان قىلىنىۋەرسىمۇ بولاتتى ، لېكىن بلوگنىڭ قىممىتى مەزمۇننىڭ ئىزچىللىقىدا بولغاچقا ئايرىم بلوگ قىلىنىپ ياسالدى ھەم شۇنداقلا بىرلا ئادەم تەرىپىدىن يېزىلغاچقا بلوگ ھەمكارلىقى شەكلىدە ئورگانىك ھالدا بىرلىشىپ بلوگ ياساشنىڭ قائىدىسىگە خىلاپ ھالدا ئالاھىيدە بىر گەۋدە شەكىللەندۈرۈلدى ، بۇنى ھەم يۇقىرىقى بلوگلارنىڭ ئەمەلىي شارائىتى بەلگىلىدى دەپ قارايمەن . ساننىڭ كۆپلىكى سۈپەتكە ۋەكىللىك قىلمايدۇ ، لېكىن سان كۆپ بولسا سۈپەتلىكلىرىنى تاللاش پۇرسىتىمىز كۆپىيىدۇ . ئېلان قىلىنغان ۋە قىلىنمىغانلار قوشۇلۇپ كۆپچىلىككە تونۇشتۇرۇش مەقسىتىدە ئاددىي باھا بېرىلدى ، قالغىنىغا كەڭ تورداشلار ئۆزى باھا بەرسۇن .
ئەسكەرتىش : تېما ئىگىسى ئۆز دوكلاتىنىڭ كۈچلۈك تەشۋىقات خاراكتېرىنى ئالغانلىقىدىن خەۋەردار ، ھەم ئۇلىنىش خاراكتېرلىك بلوگ ياساش بىلەن بىرگە ئۇيغۇر بلوگچىلىقىدىكى بوشلۇقنى ئەمەلىي ھەرىكىتى بىلەن تولۇقلاش مەقسىتىدە قىلغان ئىشلىرىنى بايان قىلىش ئارقىلىق بۇنىڭغا قىزىققۇچى دوستلارنىڭمۇ يۇقىرىقى تېمىدىن پايدىلىنىپ ئۆزىگە ئاز – تولا يول تېپىۋالالىسا دېگەن ئۈمىدتە .بەلكىم بەزىلەر تەتقىقات دوكلاتى دەپ چوڭ تېما قويغاندىكىن ھەممىسىنى بىر توپلاپ يېزىپ تازا ھارغۇچە ئوقۇغۇدەك قىلىپ يازساڭ بولمامدۇ دەپ ئويلىدى ، بۇنىڭغىمۇ مەن ئامالسىز ، ماقالىنىڭ ئاددىي ، تېمىنىڭ بولسا بەكلا چوڭ بولۇپ كەتكىنىنى ئەپۇ قىلىپ كۆپرەك پايدىلىق تەكلىپ – پىكىرىڭلارنى بەرگەيسىلەر !